Video e rrallë-Ceremonia, si u pranua Shqipëria në FAO në nëntorin e vitit 1973 dhe historia e çmimit ndërkombëtar të ushqimit në vitin 1987!

Scan Televizion
346 views
Published on Nov 6, 2018
Nga Kreshnik KUÇAJ

Organizata e Kombeve të Bashkuara për Ushqimin dhe Agrikulturën FAO është një agjenci që ka si mision luftën kundër urisë në botë. E themeluar në vitin 1945, kjo agjenci tashmë numëron 194 vende anëtare, e mes tyre edhe Shqipërinë.

Shqipëria do të bëhej anëtare e FAO-s në vitin 1973, pas ftesës që iu bë nga kreu i agjencisë. Sëbashku me Shqipërinë, në atë vit u pranuan si anëtare edhe Mongolia, Emiratet e Bashkuara Arabe e Bangladeshi.

Sikurse duket në këto pamje filmike të rralla të "British Pathe", për këtë qëllim do të zhvillohej një ceremoni e posaçme parakalimi me flamuj respektivë të vendeve të reja të anëtarësuara, e mes tyre do të parakalohej edhe me flamurin shqiptar. Ceremonia do të mbahej në Romë e në të merrnin pjesë përfaqësi nga 130 vende. Kontributi i anëtarësisë ishte 4 mijë dollarë.

Krahas pranimeve të reja, temë e diskutimit në këtë konferencë ishte edhe  propozimi i Drejtorit të Përgjithshëm të Organizatës së Ushqimit dhe Bujqësisë të Kombeve të Bashkuara për të ndërtuar grumbuj të rezervave kombëtare të drithërave kundër kohërave të urisë.

Çmimi ndërkombëtar për ushqimin që iu akordua Shqipërisë në 1987

Me 6 prill të vitit 1987, Shqipërisë do t’i akordohej një çmim ndërkombëtar për ushqimin. Jo pak herë është kuptuar se ky çmim iu akordua Shqipërisë nga organizata botërore e ushqimit FAO. Ironikisht, çmimi iu akordua Shqipërisë me motivacionin e sigurimit të ushqimit për popullatën e saj. Në atë kohë, Shqipëria po përballej me problematika serioze për furnizimin e popullatës me ushqime e sistemi që po aplikohej për furnizimin ishte ai i tollonëve ushqimore.

Shtypi i kohës do të risillte një artikull të gazetës zyrtare të komunistëve daneze ku evidentohet ky çmim që iu akorduar Shqipërisë në një event për ushqimin të mbajtur në Meksikë në vitin 1987 e ku merrnin pjesë edhe përfaqësues nga organizata botërore e ushqimit e nga organizata të tjera ndërkombëtare. Gazeta daneze  “Arbejdern” e 22 prillit të vitit 1987 do të raportonte se çmimi iu dorëzua Sofokli Lazrit si përfaqësues i Shqipërisë.

Çmimi Ndërkombëtar i Ushqimit mbante emrin “Enrique Diaz Balestros” një funksionar i administratës meksikane të ushqimit të atyre viteve që vlerësohej për kontributin e tij dhënë në çështjen e furnizimit ushqimor në rang kombëtar.

Në fakt, për këtë çmim të marrë nga Shqipëria ka pak informacione dhe ka gjetur pak jehonë në shtypin e atyre viteve. Shpesh përgjatë viteve është përmendur fakti se ky çmim iu akordua Shqipërisë nga organizata botërore e ushqimit FAO. Në fakt, zyrtarët eFAO-s ishin në cilësinë e pjesëmarrësve në këtë event të organizuar nga dega lokale e ushqimit në Meksikë në vitin 1987.

E ky çmim duket më shumë reflektim i marrëdhënieve që Meksika kishte më Shqipërinë.

Një dekadë më herët, në vitin 1976 Shqipëria ishte një nga tre vendet, sëbashku me Kinën, që mbështeti kandidaturën e Meksikës në garën për sekretar të Përgjithshëm të OKB-së. në këtë garë ishte ish presidenti i Meksikës Luis Echeverría Álvarez përballë sekretarit që garantonte për një mandat të dytë Kurt Waldheim.

Gara do të fitohej nga ky i fundit, megjithatë kjo votë e Shqipërisë duket se diktoi mbajtjen e marrëdhënieve të mira mes dy vendeve në vitet në vijim, marrëdhënie të cilat do të shoqëroheshin edhe me një vizitë në Shqipëri të ish presidentit Echeverría në vitin 1986 e më pas me akordimin e çmimit të ushqimit për Shqipërinë në vitin 1987.

*Material i përgatitur posaçërisht për portalin ekonomik SCAN. Ripublikimi mund të bëhet vetëm kundrejt citimit të autorësisë dhe burimit origjinal

COMMENTS

    Last Videos


  • 0:56

    Momente tensioni në ndeshjen Feronikeli – Prishtina

    InfoKosova
    0 views
  • 1:22

    Rrahje LDK

    InfoKosova
    47 views
  • 1:32

    Kisha e Barmashit drejt rrënimit

    JOQ Albania
    13 views
  • 0:24

    Pelisier

    Panorama
    357 views
  • 0:17

    Të rinjtë qëllojnë me domate dhe rrethojnë drejtorinë e AKU-së në Durrës

    Panorama
    252 views
  • 0:25

    Arnold Schwarzenegger goditet me shqelm pas shpine

    NOA
    367 views
  • 0:30

    Vllaznia merr trofeun

    Panorama
    318 views
  • 0:15

    Vallëzimet e ‘çmendura’ të Genta Ismajlit, shikojeni çfarë bën mbi shkallë

    InfoKosova
    52 views
  • 0:19

    Video/ I kërkuar për vrasje në Gjermani, kapet kosovari në Tiranë

    JOQ Albania
    86 views
  • 0:19

    “Fitness”/ Arrestohet në Tiranë, kosovari i kërkuar në Gjermani për vrasje, pranga edhe shokut i dënuar në Zvicër. Çfarë u sekuestrua në banesë

    Panorama
    434 views
  • 0:19

    Flamuri i Palestinës në Eurosong-un izraelit

    InfoKosova
    31 views
  • 0:15

    Shpëtimi 4

    InfoKosova
    69 views
  • 0:15

    Shpëtimi 3

    InfoKosova
    98 views
  • 0:15

    Shpëtimi 2

    InfoKosova
    128 views
  • 0:10

    Shpëtimi 1

    InfoKosova
    225 views